Gillette M3Power er lausnin

Þakkaði mínu sæla að ég nota bara sköfu, þegar ég las þessa annars skemmtilegu frétt, enda gefur hún miklu betri rakstur líka  ..

..... en mest dáist ég þó að snarræði lögreglumannsins, sem skv. fréttinni brást við með því að slökkva á rakvélinni.

Hvar værum við stödd án þessara dyggu þjóna samfélagsins

Lögregla kölluð til vegna rafmagnsrakvélar

Þetta var málið, aldrei að gefast upp ...

.... og svo er bara að halda áfram að blogga kjark í strákana   í milliriðilinn.
Þetta var aldeilis frábær skemmtun, takk :)

Íslendingar gjörsigruðu Evrópumeistaralið Frakka

Bloggum kjark í landsliðið

Ísland er handboltaþjóð og fátt er eins spennandi og þegar við fáum að taka þátt í HM eða EM. Við fyllumst eldmóði og ætlum okkur að sigra heiminn, en gallinn er bara sá hve fá okkar eru inná vellinum og geta haft bein áhrif á leikinn.

Ég held þó að við hin þessi tæplega 300 þús ættum að spyrja okkur hvort við getum samt ekki gert eitthvað betra en að fylla allar útvarpsstöð af tali um hversu "ömurlegir" drengirnir okkar voru í leiknum gegn Úkraínu í gær. Menn tala um 20 ára gamlan handbolta á Rás2, Óli Stefáns í einhverjum "öðrum heimi" og Guðjón Valur skástur en þó alveg "úti að aka".

Erum við alveg búin að gleyma sigrunum sem þeir þurftu að ná til að komast í keppnina. Þeir þröskuldar voru þannig að það er raunar alveg snilld að strákarnir eru þar sem þeir eru í dag. 

Ég er viss um að við getum gert miklu meira fyrir boltastrákana okkar en þetta og þá er ég ekki að tala um að við eigum að ryðjast inná völlinn. Leikurinn við Úkraínu var ekki sá sem við vildum sjá, en hugum að framhaldinu.

Með sömu rökum og sagt er að Úkraína hafi unnið okkar menn eiga okkar menn alveg eins að geta unnið Frakka í dag. Það er nú líka einhvern veginn þannig að það er alltaf meira að vinna ef andstæðingurinn er okkur meiri.

Hvetjum okkar menn og sendum þeim heilar og góðar hugsanir í stað þess að brjóta þá og þeirra fólk niður eins og þeir séu valdir að "þjóðarsorg okkar". Hún er bara í hugum okkar og við erum ekkert að gera sem losar okkur frá henni :)

Nýr prins í Danmörku

Það stærsta og merkilegasta sem gerðist í dag (gær 19) var að í Danmörku fæddist nýr Íslenskur "prins". Hansi (litli bróðir) og Guðbjörg kærastan hans voru að eignast annan strák.

Ekkert smá sætur gæinn aðeins 3ja tíma gamall :)

Óska þér alls hins besta litli frændi og foreldrum þínum og stóra bróa Valdóri.

Sirkus blaðið í sókn

sá hér á blogginu áðan að hún Ellý Ármanns var að hæla Sirkus blaðinu. Þar er ég hjartanlega sammála. Góðir hlutir að gerast sem vert er að lofa, það er líka allt í lagi að hrósa upphátt :)
Hún veit líka alveg hvað hún syngur stelpan, snillingur sjálf. Hef fylgst vel með þessum fjölmiðlamarkaði sem auglýsandi. Það var ótrúlegt hvað henni tóks sjálfri að gera úr Hér&nú blaðinu á stuttum tíma. Gjörbreytti stíl og stefnu, losaði blaðið við alla neikvæðni og gerði það að alvöru valkosti fyrir auglýsendur. En því miður eins og margt annað þá var það slegið af þegar það var rétt að ná þroska og karakter.

Hugsa fyrst .....

.... og tala svo. Var það ekki þannig sem okkur var kennt. Þetta virðist vefjast fyrir sumum ....

..... "How can I know what I think till I see what I say?" E.M.Forster 

 

Við skipuleggjum ekki mistök ...

...... en okkur mistekst stundum að skipuleggja !? Alveg merkilegt hvað eins einfalt mál og röð orða getur skipt miklu máli í lífinu og þá alveg sérstaklega á enskri tungu.

"We don't plan to fail" ...  "We fail to plan"

höf. ókunnur

Er bloggið árátta eða nautn ? ég bara spyr

Skrítið með þetta blogg frá því manni datt í hug að byrja á þessu þá er eins og það kalli eins og ein af skildum dagsins, enn eitt verkefnið á listanum. Í dag og í kvöld hef ég setið sveittur við tölvuna mína í MBA náminu mínu við Liverpool milli þess sem ég hef sinnt strákunum mínum og verið góði pabbinn sem hefur allan heimsins tíma þegar á þarf að halda. "Prógrammið" sem við þekkjum svo vel: smyrja nestið, í skóla, úr skóla, læra heima, elda, ein þvottavél, taka uppbyggjandi umræður við eldhúsborðið, spila og enda svo á góðri kvöldsögu inní rökkrið. En þetta er lífið og það sem gefur því mest gildi. Það er ótrúlega gott að vera pabbi og líða vel með það  .... jafnvel þó maður sé líka "dáldið" upptekinn og þreyttur stundum ......  en góður dagur að kvöldi kominn.

Að gera rétta hluti

"Að gera hlutina rétt" eða "að gera rétta hluti" !?

.... í fljótu bragði virðist ekki mikill munur á því, aðeins orðavíxl eða hvað?

Í viðskiptum er hér um mikinn mun að ræða, nokkuð sem getur skilið milli feigs og ófeigs.
Stjórnendum er gjarnan lýst svo að þeir séu "að gera hlutina rétt", en sannir leiðtogar í stjórnun uppteknir af því "að gera réttu hlutina".

Hvaða erindi á þetta í bloggheima gæti einhver spurt. Allt og ekkert, því hér eru margir að gera hlutina rétt og aðrir uppteknir af því að gera rétta hluti. Hvað á við og hvað er réttara í hverju tilviki veltur á því við hvern er átt eða hver gefur umsögnina.

Allt snýst þetta um forgangsröðun og tilgang og hvernig við ákveðum að verja tíma okkar.
Allir hafa því rétt fyrir sér hér í bloggheimi hvor áherslan sem er valin.

Bara skrifað til skemmtunar :)

Að sjá hlutina í réttu ljósi

Það er gott að hafa skoðanir á hlutunum, því það er heilbrigt og hjálpar oft til við að leysa hin daglegu viðfangsefni bæði stór og smá. Stundum erum við þó kannski full fljót til, úbs! .. kannski ekki búin að velta hlutunum neitt mikið fyrir okkur. En allt í góðu með það, ef við bara erum tilbúin að átta okkur á því og "jafnvel" að samþykkja að einhver annar gæti e.t.v. verið komin með skýrari mynd af hlutunum.

Þetta er ekki ádeila á neinn eða neitt sérstakt, bara hugleiðing því oft er það svo:

"Að við sjáum hlutina ekki eins og þeir eru, heldur eins og við erum"

Uppruni þessarar setningar er:

"We don't see things as they are, we see things as we are" (A. Nin)

Spái góðu verðri í bloggheimum í dag :)