Sumarmynd ársins - takk kæru bloggvinkonur Jóna og Magga

Fyrir utan að hafa auðvitað tekið myndina sjálfur sem vann til 1. verðlauna í keppninni um bestu sumarmynd ársins á ég þetta að STÓRUM hluta þeim Möggu og Jónu bloggvinkonum að þakka, því þær hvöttu mig eindregið til að senda myndina í keppnina eftir að ég hafði birt hana með bloggfærslu hér á síðunni.

Það var ótrúlega skemmtilegt símtalið sem ég fékk á föstudaginn frá ritstjóra Ferða á Fréttablaðinu þegar mér var tjáð að myndin mín "Leikið við náttúruna" hefði unnið til fyrstu verðlauna, Já vá hvað það var góð tilfinning ....  ég fékk hraðan hjartslátt og einhver ólýsanleg sælutilfinning hríslaðist um kroppinn ...  Eitt andartak velti ég fyrir mér hvort einhver væri að gera at í mér, en svo varð ég viss er ég dró símtalið örlítið á langinn við þýðu konuröddina sem hafði hringt í mig... Fullt af öðrum fallegum myndum sem ég hef tekið runnu síðan í gegnum kollinn á mér svona til að minna mig á að ég mætti alveg gleðjast ... því kannski væri þetta bara uppskerudagur eftir að hafa verið ástfanginn af ljósmyndavélunum mínum síðan ég var á fermingaraldri.

Til að ná árangri verður maður að leggja sig fram af ástríðu ... og til að vinna til verðlauna verður maður líka að taka þátt. Það síðar nefnda er ég ekkert sérstaklega flinkur við og ég stórefa að ég hefði tekið þátt í þessari keppni ef ekki hefði komið til hvatning frá Möggu og Jónu bloggvinkonum, sjá hér

Takk og stórt knús á ykkur Magga og Jóna :)

Athugasemdir

[Sigrún Óskars, 31.8.2008 kl. 13:15]

Til hamingju með sumarmynd ársins - hún er algjör snilld.

[Rúnar Haukur Ingimarsson, 31.8.2008 kl. 14:07]

Til hamingju með þetta - frábær mynd

[Margrét Ingibjörg Lindquist, 31.8.2008 kl. 19:10]

takk... maður roðnar bara... Þetta vissi ég strax og ég sá þetta yndislegu mynd... Maður þyrfti að eignast eintak af henni í ramma... Get ég keypt eina af þér???

Þú áttir þetta fillilega skilið...

[Hólmgeir Karlsson, 31.8.2008 kl. 22:34]

Takk fyrir fallegar kveðjur :) .. ég verð bara að prenta út mynd og gefa þér við tækifæri Magga

[Helgi Már Barðason, 24.9.2008 kl. 15:51]

KLUKK

[Jóna Á. Gísladóttir, 25.9.2008 kl. 01:49]

Oooohh hvað þetta er gaman. Ég trúi því ekki að þessi færsla hafi farið fram hjá mér. Ó þó... er búin að vera sérlega vanvirk hér í bloggheimum.

Innilega til hamingju minn kæri. Ég get fullyrt að þú áttir þetta 250% skilið, jafnvel þó ég hafi ekki séð hinar myndirnar sem kepptu.

Myndin er svo frábært. Var fyrirsætan ekkert spennt (ur) yfir þessu?

[Hólmgeir Karlsson, 25.9.2008 kl. 08:30]

Hæ og takk Jóna. Er sjálfur orðinn algjör "bloggletingi", sem er auðvitað alvarlegt mál, he he .. Þetta kom mér sannarlega skemmtilega á óvart þar sem mér fannst vera mikið af fallegum myndum í keppninni sem allt eins hefðu átt að vinna. Jú fyrirsætunni fannst þetta ekkert leiðinlegt.
Stórt bloggknús á þig :)