Geta tölur haft boðskap?

Hafið þið einhverntíma orðið fyrir því að ákveðnar tölur séu að poppa upp aftur og aftur, eins og t.d. 349 eða 2147 svo eitthvað sé nefnt. Kannski þannig að þið takið eftir einhverju bílnúmeri sem bara situr í kollinum á ykkur og svo farið þið inní búð og verslið fyrir sömu upphæð eða verðið skyndilega litið á klukkuna sem þá er líka 21:47

Til eru þeir sem telja að svo sé, að tölur geti flutt okkur boðskap eða skilaboð.

Ég var að blaða í þessari skemmtilegu og heillandi bók "Angel Numbers" sem er eftir einn að mínum uppáhalds andlegu-bóka-höfundum, Doreen Virtue. Doreen er auk þess að fást við andleg mál, hámenntuð í sálfræði og starfar sem slík einnig.

Þessi bók hennar, eins og aðrar sem ég hef lesið og spilin sem hún hefur gefið út, hefur mikinn og djúpan boðskab að bera. Virkilega þess virði að lesa.

En smá dæmi úr þessari "talnabók"

Hvaða boðskap skildi t.d. "óheillatalan" 13 hafa.

Tek að vísu fram að 13 hefur alltaf verið í miklu uppáhaldi hjá mér og verður örugglega áfram :) ....

En Doreen segir: " Ascend masters ask you to stay postitive and give them any fears or doubts that they can heal and transmute. This number also means the sacred feminine, the godess, and the intuitive side, as there are 13 moon cycles in a year"

Talan 256 bendir til þess að þú viljir koma á breytingum í lífi þínu,...  og 821 bendir til að þrotlaus vinna þín og jákvæður ásetningur muni skila sér,...    og svo mætti áfram telja.

Skemmtileg bók, hvort sem við trúum eða ekki  ...

Mæli eindregið með bókunum hennar :) .....  og ekki síður spilunum fyrir þá sem það hentar.

Athugasemdir

[Guðríður Hrefna Haraldsdóttir, 26.3.2007 kl. 22:52]

Fyndið ... ég keypti mér þessa bók þegar ég var úti í London á síðasta ári! Hún er voða skemmtileg!

[Jón Steinar Ragnarsson, 27.3.2007 kl. 02:02]

Voðalega geistlegt nafn Virtue. Skyldi það vera skáldanafn?  Annars tek ég svona bókmenntum af varúð. Hvaðan þessi vitneskja blessaðrar konunnar kemur er mér hulið en hún veit vafalaust að fullyrðingar á prenti í fallegu bandi hafa tilhneigingu til að skoðast sem sannleikur.  Má nefna ýmsar bækur í þessu sambandi og eina nokkuð útbreidda.  Nefni engin nöfn.

[Hólmgeir Karlsson, 27.3.2007 kl. 18:01]

Já pínu findið, Gurrí :) ....   Tekk þessu öllu með fyrirvara Jón :) Það sem ég hrífst af við skrif hennar Doreen er að hún er í raun bara að koma ákveðnum kærleiksboðskap á framfæri. Talnabókin hennar er þannig gerð að þú færð aldrei tölu sem boðar neitt illt, einungis smá hvatningu sem kannski fær mann til að gleyma ekki að taka jákvætt á hlutunum. Margt annð sem hún hefur skrifað um manngæsku og jákvæða hugsun hefur reyndar ná meira til mín en þessi talnabók.

Ég er líka alveg sammála að það er mikið af "fallegum" bókum sem eru ekkert endilega neitt sérstaklega sannar eða fallegar, bara enn ein markaðsvaran til að glepja okkur í neyslu- og ótta-samfélaginu, og ég nefni heldur engin nöfn heldur:)

[Ragnheiður Diljá (IP-tala skráð) 27.3.2007 kl. 18:02]

Ég ætla fyrst að kommenta á síðustu færslu: Ég vona að þú geymir þessar minningar, sem þú hefur komið svo skemmtilega niður á blað og deilir með okkur hér, á góðum stað í tölvunni og á disk til öryggis ef talvan skyldi hrynja! Þetta er svo flott hjá þér og greinilega mikil vinna og alúð lögð í skriftirnar. Maður er ekki nógu duglegur að rifja svona upp, hvað þá að koma því niður á blað.

Svo langar mig að tengja myndasöguna um smíði litla hússins við færsluna þína, því að þar gafstu strákunum ábyggilega mikla ábyrgðartilfinningu...það er sko ekki lítið að hafa byggt heilt hús! Foreldrar mættu gera meira af slíku - ekki endilega eins stórt og húsasmíð, en bara leyfa börnunum að hjálpa til við hitt og þetta, spreyta sig og læra af fullorðna fólkinu. Til dæmis er hægt að taka barnið með í bílaþvott, þar gæti barnið pússað mælaborðið, ryksugað motturnar o.fl. Auðvitað tekur það lengri tíma heldur en ef hinn fullorðni er einn og hespar þessu bara af...en það er þess virði.

Svo varðandi Doreen þá finnast mér spilin hennar afar falleg og góðan boðskap þar að finna, sjálfsstyrkjandi og uppbyggileg orð og hvatningu til að vera meðvitaður um sjálfan sig, tilfinningar sínar, markmið sín og fleira. Hef samt ekki lesið þessa talnabók en ef ég ætti hana, þá sé ég mig alveg fyrir mér þegar ég kem úr Nettó og tek stefnuna með innkaupamiðann í herbergið mitt til að fletta upphæðinni upp! Kannski myndi ég sætta mig við háa upphæðina ef ég fengi einhvern góðan boðskap í staðinn

[Hólmgeir Karlsson, 27.3.2007 kl. 18:16]

Takk fyrir innlitið elsku frænka. Börnin þín þurfa engu að kvíða þegar kemur að þeirri stund að þau koma til þín ....  svo mikið er ég viss um. Þá verð ég líka kannski búinn að gera upp öll mistökin mín og get leiðbeint þér og jafnvel leift "ormunum" þínum að þrífa með mér bílinn, he he og

[Hólmgeir Karlsson, 27.3.2007 kl. 18:30]

UBS! Ragnheiður, hvaða áhrif skildi lækkun matarskattsins hafa á bókina,...  allar tölur verða jú lægri og ..... já allt annar boðskapur. En látum það ekki trufla okkur

[Ragnheiður frænka (IP-tala skráð) 28.3.2007 kl. 13:46]

Ohhh...takk fyrir falleg orð. Ég sé fyrir mér að ormarnir mínir fari í viku vist til Hólmgeirs frænda og þú mátt örugglega búast við vikuframlengingu af því að "Hólmgeir frændi er svo góður og skemmtilegur og leyfir manni að gera fullt sem hitt fullorðna fólkið leyfir manni aldrei að gera"   

Jiii...ég hafði nú ekki hugsað út í lækkun matarskattsins...hún Doreen okkar verður greinilega að endurskoða boðskapinn fyrir íslenska markaðinn! (alla vega ef lækkunin skilar sér til neytendans )