Það góða í lífinu - Kærleikur er allt sem þarf

22.5.2007 | 21:50

Lítið bloggað, en allt í góðu

Hef lítið bloggað að undanförnu og svo sem allt í lagi með það. Hef haft ýmislegt á minni könnu undanfarið því ég er nýlega byrjaður í einni skólatörninni enn við háskólann minn í Liverpool. Við þær aðstæður verður lítill tölvutími eftir til að blogga, nema svona rétt til að taka mesta lyklaborðsskjálftann úr puttunum eftir verkefnavinnuna á netinu.

Annars hafa síðustu dagar verið mjög viðburðarríkir og skemmtilegir þar sem ég er nýlega búinn að ráða mig í nýja og mjög spennandi vinnu, sem bara kom svona eins og "þruma" úr heiðskíru lofti. En stundum gerast hlutirnir hratt og það veit á gott.

Ég hóf sem sagt störf í síðustu viku sem framkvæmdastjóri Bústólpa sem er fóðurframleiðslufyrirtæki og selur fóður og aðrar rekstrarvörur til bænda.

Ótrúlega gaman að fara að vinna á ný í umhverfi þar sem bændur landsins eru viðskiptavinirnir, því þar er göfug stétt á ferð sem allt of oft er vanmetin. Hér er líka fullt af góðu fólki sem mér líst alveg bráðvel á að vinna með.

Bros og kveðja í bloggheima

Flokkur: Bloggar | Facebook

Athugasemdir

Til hamingju með nýju vinnuna!

Guðríður Hrefna Haraldsdóttir, 22.5.2007 kl. 22:05

Innilega til hamingju með nýja starfið.. og megi það flytja þér gæfu í framtíðinni...

Margrét Ingibjörg Lindquist, 23.5.2007 kl. 00:10

Ég óska bændum - og þér - til hamingju með þessi starfaskipti

Valdimar Gunnarsson, 23.5.2007 kl. 10:56

Takk fyrir góðar kveðjur kæru bloggvinir Valdimar, Magga og Gurrí ... það var orðið tímabært að ég færi að vinna við að "matreiða" ofan í kýrnar eftir alla mjólkina sem þær hafa leift mér að leika mér að í gegnum árin

Hólmgeir Karlsson, 23.5.2007 kl. 19:31

Það er bara svona. Til hamingju með þetta. Greinilega nóg að gerast hjá þér Hólmgeir og ekki skrýtið að það komi niður á blogginu. Við bíðum bara þolinmæð eftir færslunum þínum svo ekki láta þig hverfa.

Jóna Á. Gísladóttir, 25.5.2007 kl. 12:19

Til hamingju með vinnuna pabbi og vona að þú njótir hennar.

p.s. Þú ert ekki búinn að blogga lengi.

kári (IP-tala skráð) 26.5.2007 kl. 16:39

Innilega til hamingju elsku frændi minn. Það er gott að heyra að þú sért ánægður með nýju vinnunna því öðruvísi á það ekki að vera :)

Ragnheiður frænka (IP-tala skráð) 26.5.2007 kl. 17:09

Gott að þolinmæðin er við líði í bloggheimum Jóna :)

Takk Kári minn, gaman að fá þig í heimsókn .... lítið bloggað, humm já .. það er víst rétt, en í morgun var ég að lesa fyrir skólann þangað til ég fór með þig á íþróttaæfingu og var svo búinn að lesa smá í viðbót þegar ég fór með ykkur bræður í afmælið áðan ,..... og nú ætla ég að nota tímann vel þangað til ég sæki ykkur aftur svo ég liggi nú ekki í bókunum í kvöld líka. Bloggið lendir í 3 sæti, he he ..