Meira af virkjunaráformum norðan heiða

Jæja þá er víst vissara að gera betri grein fyrir þessum virkjanaáformum hér norðan heiða. Ég fór um svæðið með athafnamönnunum tveim í gær og fékk innsýn í áform þeirra. Mikill eldmóður er í þeim og tilhlökkun að takast á við verkefnið í sumar.

Þrír staðir eru inní myndinni sem stýflustæði. Þeir eru:

1) Rétt neðan Goðafoss

2) á svokölluðu Vaði og

3) neðan Stóra kletts

Allt bendir nú til að stýflan verði staðsett neðan Stóra kletts og ákvörðun liggur nú fyrir um að ekki verði virkjað í nágrenni Goðafoss.

Hér á eftir er að finna myndir af svæðinu og afstöðu til þessarra kennileita.

Mynd 1) er tekin rétt neðan Goðafoss. Pallbíll framkvæmdaaðilanna stendur á gömlu brúnni neðan fossins. Undir brúnni má sjá hver fossinn freyðir þar sem hann fellur niður. Hugmyndin hér gekk útá að stýfla við sjálfa brúna, en gallinn auðvitað að þá færi fossinn á kaf í vatn.

 

 

 

 

 

 

Mynd 2) er frá svokölluðu Vaði, en þar eru kjöraðstæður til að gera tiltölulega stórt lón með lítilli stýflugerð. Þarna hefur reyndar verið stýfla áður. Bill þeirra framkvæmdamanna er þar staðsettur fram á klettabrún sem sýnir hver hæð stýflunnar yrði.

Mynd 3) er tekin af svæðinu neðan Stóra kletts. Þar er lónsstæði all gott og gilið þröngt þar sem hugsanleg stýfla kæmi. Á þessari mynd er pallbíl þeirra framkvæmdamanna einnig staðsettur þar sem stýfluveggurinn kæmi.

 

Eins og greint hefur verið frá áður hér á blogginu, þá telja framkvæmdaaðilar að framkvæmdir á þessum stöðum kalli ekki á umhverfismat, þrátt fyrir að vera sjálfir meðvitaðir um umhverfi sitt og mikilvægi þess að umgangast náttúruna af skynsemi og virðingu.

Frekari rannsóknir standa nú yfir á svæðinu og er endanlegrar ákvörðunar að vænta innan skamms, en flest bendir þó til þess nú að svæðið neðan Stóra kletts verði fyrir valinu.

Seinna í gær flugu þeir yfir svæðið á þyrlu og náðist þá þessi mynd af hugsanlegu lónsstæði neðan Stóra kletts. Glöggt má sjá á myndinni að tiltölulega lítið stýflumannvirki þarf til að mynda stórt lón á svæðinu allt uppað Stóra kletti sem sést ofarlega hægra megin á myndinni.

Lær hér einnig fylgja tvær myndir af framkvæmdaaðilum í vettvangsferð sinni um svæðið.

 

 

 

 

 

Á fyrri myndinni má sjá hvar Karl er við rannsóknir á vatnsgæðum og rennsli neðan Stóra kletts. Pallbílinn ber í Stóra klett. Á seinni myndinni eru þeir bræður, Karl og Kári, að virða fyrir sér aðstæður á Vaði.

Endanleg ákvörðun mun liggja fyrir fljótlega og stefnt að því að framkvæmdir hefjist fyrri hluta júní mánaðar þegar mestu leysingar verða afstaðnar og aðstæður til mannvirkjagerða ákjósanlegar.

Við munum leifa bloggheimum að fylgjast með framvindu mála og hver veit nema bloggvinum verði boðið til vígsluhátíðar í sumar þegar virkjunin verður gangsett. Margt er þó óunnið af undirbúningi og er meðal annars eftir að útvega hentuga túrbínu, rafal og aðfallsrör að stöðvarhúsi. Rafallinn er þó hugsanlega til á staðnum en eftir er að prófa gripinn (Dínamór úr Zetor 3511).

Athugasemdir

[Jóna Á. Gísladóttir, 4.5.2007 kl. 20:11]

hahahahaha. Snilld. Ég byrjaði að rýna gagnrýnum augum í myndirnar en runnu á mig tvær grímur við pallbílinn. Bíddu nú við hugsaði ég, eitthvað skrýtið við stærðarhlutföllin hér. Skrollaði hérna upp og niður síðuna eins og geðsjúklingur þangað til mér datt í hug að kannski væri sniðugt að lesa textann til enda. Takk fyrir góða skemmtun.

[Hólmgeir Karlsson, 4.5.2007 kl. 21:03]

Gott að þér var skemmt yfir þessu Jóna  ... því það voru farnar að renna tvær grímur á okkur feðga með hvort þetta gæti kannski hafa "meitt" einhvern .... sá eldri, hann Kári, spurði mig í gærkveldi "pabbi heldurðu kannski að einhver hafi orðið alvöru hræddur um stóra Goðafoss? á meðan við vorum netlausir .... Við verðum að gera eitthvað svo enginn verði leiður. Mér finnst það doldið leiðinlegt, en samt, okkar foss er líka Goðafoss og það hefði ekki verið fallegt heldur að segja að hann héti eitthvað annað" .....

[Begga (IP-tala skráð) 4.5.2007 kl. 22:33]

Yndisleg saga, sem gaman er að lesa. Mikið vildi ég að einhver hefði gefið mér þetta frelsi á þessum aldri, því það er ómetanlegt að búa til svona reynslu og minningar fyrir lífið sem er framundan hjá þessum ungu herramönnum. Sendi ykkur ljós og kveðju

[Jóhann Ólafur (IP-tala skráð) 5.5.2007 kl. 09:01]

Ekki spyr ég að framkvæmdagleðinni. En hvernig er það - er kominn á samningur um sölu á raforkunni? Kannski um sæstreng á Evrópumarkað?

[Jóhann Ólafur (IP-tala skráð) 5.5.2007 kl. 09:02]

Ekki spyr ég að framkvæmdagleðinni. En hvernig er það - er kominn á samningur um sölu á raforkunni? Kannski um sæstreng á Evrópumarkað?

[Hólmgeir Karlsson, 5.5.2007 kl. 10:03]

Sæll Jóhann Ólafur (og velkominn í heimsókn).... það er ekki búið að semja um sölu á raforkunni, en margt kemur til greina .... þó ekki álver, he he. Líklegast er þó nú að skipulagðar verði lóðir í næsta nágrenni virkjunarinnar og raforkan notuð til lýsa upp það svæði. Allavega er byrjað að byggja bryggjur við tilvonandi lónsstæði sem ætlað er fyrir bátasportista  ...
P.s. er ekki að koma tími á kaffiheimsókn?