Það góða í lífinu - Kærleikur er allt sem þarf

27.12.2007 | 14:02

Róleg og góð jól

Já jólin hafa verið róleg og góð hjá okkur feðgum í sveitinni. Á jóladag lýsti Kári því þannig:

"Pabbi mér fannst jólin svo skemmtileg og góð í gær. Ég var bara svo svakalega glaður þegar ég vaknaði. Það voru engin leiðindi í mér"

þetta sagði mér allt sem segja þurfti og svo héldu bara jólin áfram :)

Við fengum náttúrlega fullt af gjöfum og borðuðum góðan mat og erum svo búnir að liggja í leti milli þess sem við förum í heimsóknir til annarra eða njótum þess að fá aðra í heimsókn.

Sjálfur fékk ég ótrúlega flottar gjafir frá strákunum sem þeir höfðu búið til sjálfir, málverk frá Karli og flugvél frá Kára.

Málverkið hafði Karl málað í myndmennt í skólanum og Kári hafði nýtt smíðatímana til að láta flugvélina verða að veruleika.

Hefði ekki getað fengið betri jólagjafir þó ég hefði skrifað jólagjafalista eða bréf til sveinka með öllum leyndarmálunum mínum :)

Það var á mörkunum að við gætum sagt að það væri jólasnjór, en það kom smá sýnishorn á aðfangadag, en svo kom þessi fallegi jólasnjór á jóladag eins og eftir pöntun til að gera jólaskrautið okkar í garðinum ævintýralegra og fallegra.

Læt fylgja smá myndaseríu úr garðinum okkar.

Bros í bloggheima :)

Flokkur: Bloggar | Breytt s.d. kl. 18:53 | Facebook

Athugasemdir

mikið er þetta jólalegt. svona flugvél man ég eftir að hafa fengið frá syni mínum fyrir löngu, hann er núna 23 ára ! flott flugvélþ

vonandi fáið þið líka góð áramót !

AlheimsLjós til þín

steina

Steinunn Helga Sigurðardóttir, 27.12.2007 kl. 15:49

Æ, hvað þetta er allt friðsælt og fallegt þarna í sveitinni hjá ykkur. Maður meirnar allur upp. Gleðilega hátíð elsku vinur og megið þið feðgar eignastórkostlegt nýtt ár. Mæti á dúettinn, sem ég pantaði um næstu jól.