KK og krakkarnir fóru alveg á kostum á tónleikum

Þá eru tónleikarnir með KK og krökkunum afstaðnir og ég held að fæstir séu farnir að trúa því enn að fimm nýjar hljómsveitir stigu á stokk með KK eftir að hafa komið saman á námskeiði og æft um helgina undir hans leiðsögn og tónlistarskólakennaranna. Þetta var alveg frábær skemmtun og ég held ég ýki ekki mikið þó ég segi að ansi margir foreldrar hafi tárast í salnum.

Fyrsta hljómsveitin stigin á stokk og KK með á munnhörpunni. Þessi hljómsveit kallaði sig "Blús með Andreu" í höfuðið á hljómborðsleikaranum.

Kári minn var gítarleikari í þessu bandi

 

 

 

 

 

 

       

    

Ekki vantaði heldur fólk í salinn, því allir mættu; pabbar og mömmur, afar og ömmur, frændur og frænkur.

 

Hér er svo Karl minn stiginn á stokk með sínu KK blús bandi sem spilaði 3 frábær lög. KK lifði sig inní sönginn eins og þetta væri húsbandið hans.

Að loknum flutningi sagði hann "þetta er sko alvöru, ekkert Idol plat" við mikinn fögnuð krakkanna.

Þessar myndir eru bara sýnishorn af því sem gerðist og bara af hljómsveitunum sem mínir tóku þátt í. En þar sem ég var hirðljósmyndari alla helgina bæði á æfingum og tónleikunum á ég liðlega 300 myndir til að vinna úr, en þegar eru allir þátttakendur, tónlistarkennarar og KK sjálfur búin að panta eintak af fríum mynddiski sem væntanlega verðu unni næstu daga.

 

 

Hér má svo sjá hópinn í lok tónleikanna, en krakkarnir sem tóku þátt voru frá 5. og upp í 10. bekk.

Flottur hópur og stoltur KK með verk helgarinnar.

Tónlistakennararnir eru einnig í öftustu röð og ekkert smá stoltir:)

 

Og svona að endingu myndir af henni Röggu frænku með strákunum mínum eftir tónleika. En þetta er hún Ragga besta frænka sem kíkir svo oft inná bloggið mitt :)

 

 

 

 

 

 

Yndisleg helgi fyrir alla sem komu nálægt þessu framtaki.

Bros í bloggheima

Athugasemdir

[Jóna Á. Gísladóttir, 14.10.2007 kl. 22:52]

Algjörlega yndislegt. skilaðu kveðju og hamingjuóskum til blúsaranna þinna

[Hólmgeir Karlsson, 14.10.2007 kl. 22:56]

Takk Jóna :) ég skila því

[Ragga frænka (IP-tala skráð) 15.10.2007 kl. 13:53]

Þetta voru alveg einstakir tónleikar sem frændur mínir áttu þátt í að skapa - mikið rosalega hefur þetta verið gaman fyrir þá...maður getur rétt svo ímyndað sér! Þeir voru báðir svo flottir á sviðinu, það var eins og þeir hefðu aldrei gert annað en að spila fyrir fullum sal af fólki.

Og pabbinn flottur með myndavélina, alveg á þönum að ná stemningunni á filmu... sem ég get verið viss um að þér hafi tekist miðað við ferilinn þinn sem ljósmyndari.

Ég er sko ekki lítið stolt frænka!

[Hólmgeir Karlsson, 17.10.2007 kl. 01:07]

Já Magna þetta var MEGA upplifun fyrir strákana,.... og það þurfti að sauma 25 spor í pabbann eftir þetta ævintýri  ..

Takk Ragga frænka fyrir nærveru þína á tónleikunum sem var ómetanlegt fyrir ungu tónlistarmennina  ..

[Margrét Ingibjörg Lindquist, 18.10.2007 kl. 21:38]

Innlitkvitt... Já ps...gaman að geta sagt hæ! við þið í hagkaup um daginn..

[Steinunn Helga Sigurðardóttir, 24.10.2007 kl. 21:12]

frábært, hann kk er bara alveg frábær !

AlheimsLjós til þín

steina

[auður (IP-tala skráð) 25.10.2007 kl. 01:25]

hæ Hólmgeir minn

sakna þess að heyra frá þér reglulega, hvernig gengur ?

Saknaðarkveðjur

Auður Húnfjörð (veit ekki alveg hvort þú manst eftir mér ??)

[Hólmgeir Karlsson, 27.10.2007 kl. 11:10]

Hæ Auður og takk fyrir innlitið :)

Já já ég man eftir þér, varst alltaf að selja mér eina og eina auglýsingasíðu. Gleymi ekki góðu fólki svo glatt. Hvar ert þú að vinna núna? ertu ekki hætt hjá "blaðaríkinu mikla"
Bestu kveðjur :)